وخاصة السادة المراقبين الصحيين أساس الطب الوقائي وعصب المنظومة الصحية
وحرصا منا دائما على دعم ومساعدة زملائنا المراقبين الصحيين قد قمنا بعمل برنامج الكوفيد وذلك لاحتساب اجمالى المتطعمين اتوماتيكي بجرعات لقاح كورونا المختلفة ( استرازنيكا - سينوفارم -سينوفاك - فايزر ) وذلك للتسهيل على المراقب الصحي او فنى الإحصاء فى احتساب إجمالي المطعمين من خلال البرنامج وعمل بلاغ يومى بعد الجرعات لكل فريق سواء كانت جرعة اولى او جرعة ثانية من كل لقاح على حدة او مجمع .
فكرة عمل البرنامج
تعتمد فكرة عمل البرنامج على ادخال إجمالي المطعمين يوميا امام كل فريق من الفرق ويقوم البرنامج بتجميع جميغ البلاغات يوميا فى بلاغ واحد مجمع بالفرق للارسالة الى الجهة الاعلى .
دائما مايكون ضغط العمل على المراقب الصحى يمثل عبء ثقيل على كاهل المراقب الصحى وكالعادة كل ماهو جديد او مميكن يتم من خلال السيد المراقب الصحى وهو المسئول الأول عن إعداد حملات التطعيم القومية وكذلك التطعيمات الإجبارية لحماية الأطفال من الأمراض وإجراء التقصيات الوبائيةومراقبة محطات مياة الشرب والشبكات حرصا علي سلامة المواطنين ومراكز الغسيل الكلوي وأخذ عينات مياة منها حفاظا علي صحة المرضي ولكن للاسف ناس كتير تجهل دور المراقب الصحى او بمعنى اصح متعرفش دور المراقب الصحى
واليكم مقال منقول من الزميل احمد خضر فى التعريف بكل مايخص المراقب الصحى
واحد بيسالني من الناس
بيقولي مين هو المراقب الصحي اللي أنتم قالبين وشايلين الدنيا عشانه
أقول لحضرتك
مفتشالاغذية
عارف مفتش الصحة اللي بيمر ويفتش علي الأسواق والمحلات واللي الناس بتجري منه لما بتكون معاها حاجة بايظة أو فاسدة هو اللي بيسحب عينات من الأغذية بصفة مستمرة ودورية وبيبعتها لمعامل وزارة الصحة للتأكد من صلاحيتها للإستهلاك الآدمي ومطابقتها للجودة والمواصفات القياسية وهو برضه اللي بيعمل محاضر الغش للعينات اللي بتيجي مغشوشة وغير مطابقة وهو اللي بيفتش علي كل الإشتراطات الصحية للمحلات والمصانع والكافيهات والمطاعم وكل الأماكن اللي بتبيع أو بتصنع وتنتج أغذية ومشروبات وهو اللي بيعمل المحاضر اللازمة في حين وجود نقص في الإشتراطات أو عدم حمل العاملين في الأغذية للشهادات الصحية اللي بتثبت خلوهم من كل الأمراض المعدية هو ممكن يوصي بغلق هذه المنشآت الغذائية لو فيها خطر داهم زي وجود مواسير صرف أو بلاعات داخل المنشأة غير مغطاة أو نقص شديد في الإشتراطات هو ده المراقب الصحي حاليا إسمه مفتش الاغذية
مراقب صحة البيئة
عارف لما تكون عندك جار وحش ومربي فراخ أو بط أو حمام في بلكونته وبيضايقك وتقعد تدور علي حد يحللك المشكلة دي واللي بتروحله ويطلع معاك يعاين الشكوي كمان عارف اللي بيسحب عينات دورية من المية سواء من بيتك أو المستشفي أو المدارس أو أي مكان وبيبعتها المعمل عشان تتحلل وهو برضه بيمر علي المدارس للتأكد من توافر الإشتراطات الصحية من حيث النظافة والتهوية وبيمر علي الأسواق والجبانات والسلخانات ومسئول عن النظافة العامة وبيعمل محاضر لأي حد بيرمي زبالة أو يسكب ميه وسخة ممكن تتسبب في إنتشار الأمراض المعدية وإنبعاث روائح كريهة هو برضه اللي بيشرف علي الصرف الصحي وبياخد منه عينات وبرضه بيشرف علي وحدات الغسيل الكلوي وبياخد منه عينات هو ده المراقب الصحي وحاليا اسمه مراقب صحة البيئة
مراقب الاوبئة
عارف لما إنت أو حد من عيالك يجرالو حاجة من مرض معدي مين اللي بيروحلك البيت ويطمنك ويتابعك وياخد أسماء قرايبك وبيعمل إجراءات التطهير والتعقيم في بيتك عشان مفيش أي حد يتعدي من قرايبك بنفس المرض هو ده المراقب الصحي وحاليا اسمه مراقب الاوبئة .
مراقب التطعيمات
عارف لما تروح تطعم أولادك في وحدة صحية أو مكتب صحة مين اللي بيكون قاعد في المكتب وسط التمريض وبيتابع التطعيمات وبيوجه الممرضات عشان إبنك وهو برضه اللي بيشرف علي تطعيم إبنك بالمدرسة هو برضه اللي لما تنسي تطعم إبنك بيتصل بيك ويستدعي إبنك عشان يحميه ويطعمه ضد الأمراض الفتاكة هو ده المراقب الصحي وده اسمه حاليا مراقب التطعيمات
عارف لما تطلع الحج وتيجي من الحج مين اللي بيقابلك عشان يطمن عليك وعلي صحتك هو المراقب الصحي عارف لا قدر الله لو حصلك تسمم غذائي وتروح المستشفي مين أول واحد بيكون علي رأسك بيسألك عشان يعرف مصدر التلوث وياخد كافة الإجراءات لمنع حدوث أي حالات أخرى وبيحرز الأواني وبيتحفظ علي بقايا الطعام وبيدور علي مصدره هو المراقب الصحي عارف مين اللي بيلف في الشمس مع الممرضة ويطعم ولادك لغاية بيتك هو ده المراقب الصحي عارف مين اللي بياخد ميه من بيتك ويوديها للتحليل هو ده المراقب الصحي عارف مين اللي مسموحلوا يدخل بيتك من وزارة الصحة ويفتش علي خزان ميتك فوق سطح بيتك هوه المراقب الصحي فهمت ولا أحب أاقووووول تاني عارف المعاون الصحي أو معاون الصحة هو المراقب الصحي عارف مين بيفتش علي عيشك وملحك هو المراقب الصحي
مراقب السلامة والصحة المهنية
عارف مين لما تكون فيه ورشة لحام أو خشب بيتزعجك وتروح تشتكي مين اللي بيعاين شكوتك واللي بيمر علي المصانع الصغري والكبري للتأكد من توافر إشتراطات السلامة للعاملين هو المراقب الصحي وده اسمه حاليا مراقب السلامة والصحة المهنية
مراقب التثقيف الصحى
عارف مين اللي لما تروح الوحدة الصحية أو مكتب الصحية وتلاقيه قاعد يدي ندوات تثقيف ويوعي الناس بكيفية الوقاية من الأمراض واللي برضه بيدي ندوات تثقيف صحي لإبنك في المدرسة ويعلمه السلوك الصحي والنظافة هو المراقب الصحي وده اسمه حاليا مراقب التثقيف الصحى
لازم نفهم
عارف مين أشقي موظف في الصحة وشايل الطب الوقائي والصحة العامة علي كتفه هو المراقب الصحي يبقي ليه ما تقفش معاه وتساعده ياخد حقه
