بسم الله الرحمن الرحيم
اهلا بكم متابعى موقع ومدونة
عالم الاوفيس
موضوع مهم جدا يخص كل الاخوة
الذين يتعاملون مع مواقع الانترنت من سحب بيانات وتعبئة النماذج وادخال البيانات
المختلفة الى مواقع الانترنت
التحكم في الويب ومواقع الانترنت Web Automationوشرح اداة السيلينيوم Selenium Basic
الموضوع قام بشرحة الاستاذ الكبير / ياسر خليل ابو البراء
وهذا ما كتبة فى مقالة أقدم لكم سلسلة تعليمية بخصوص التحكم في الويب والتعامل مع المواقع وكيفية استخراج بيانات والتعامل مع الجداول في المواقع المختلفة وملء النماذج إلى آخر تلك الأمور التي تتعلق بالويب .
في الحقيقة المجال دا ممتع جداً وفي نفس الوقت بيوفر ساعات
طويلة خصوصاً للي بيتعاملوا مع مواقع الانترنت في الحصول على معلومات أو تعبئة
نماذج (زي الجماعة مدخلي البيانات في وزارة التربية والتعليم) ، وإن شاء الله خطوة
بخطوة هنقدر نتعلم مع بعض لأني زيكم مبتديء ، كل ما في الأمر إني بحاول أقدم
المعلومة بأسلوبي ، عشان كدا لازم تعذروني لو حد سألني ومعرفتش أجاوب على سؤاله
لأن ببساطة أنا مبتدي .
الحقيقة التعامل مع الانترنت أصبح جزء لا يتجزأ من
حياتنا ومش بس أصبح للترفيه ، الانترنت أصبح مرتبط بأعمالنا بشكل كبير ، عشان كدا
كان لازم يكون فيه طريقة تسهل التعامل مع المواقع دي .. والاستفادة في المجال دا
كتيرة جداً منها إنك تقدر تحصل على بيانات من المواقع اللي بتتصفحها وتقدر تعبي
بيانات زي ما ضربت لكم مثال من شوية بخصوص الطلاب اللي بيتم إدخالهم في موقع
الوزارة
إن شاء الله هيكون التعامل مع أداة أو برنامج اسمه Selenium .. ودي أداة مجانية ومن
خلالها هنقدر نتعامل ونتحكم في مواقع الانترنت المختلفة .. وزي ما اتفقنا الدروس
هتكون بسيطة ومختصرة عشان نقدر نتابع ونطبق .
فى اول الامر لابد من تحميل برنامج السيلينوم وهى ادة
مجانية يتوفر اخر اصدار منها من خلال الرابط التالى
https://github.com/florentbr/SeleniumBasic/releases/tag/v2.0.9.0
لما ندخل الرابط هتظهر لنا هذة الصفحة هنختار من خلالها
Selenium basic .exe
كما بالصورة التالية
كيف يتعامل Selenium مع متصفحات الانترنت ؟
يتعامل التعامل مع كل متصفح من خلال الدرايفر الخاص
بالمتصفح Driver يعنى جوجل كروم لة درايفر خاص بة
هنحمل الدرايفر الخاصر بالكروم من هذا الرابط
نختار الملف حسب نظام التشغيل ..
أنا عندي ويندوز 32 عشان كدا اخترت الملف دا
هتحمل الملف وتفك ضغطه على سطح المكتب والملف هيكون اسمه chromedriver.exe
خلصنا جزء التحميل .. دلوقتي نسطب البرنامج Selenium زيه زي أي برنامج ..
خليك في الإعدادات الافتراضية
الملف
اللي اسمه chromedriver دا
تنسخه للمسار التالي
هندخل على
programs files وندو على الفولدر الخاص بالسيلينوم وننسخ الملف
دة فى الفولدر هيعملة استبدال
آخر حاجة
في درس النهاردة إزاي نفتح موقع جوجل من خلال محرر الأكواد (هناخد جزء ونكمل المرة
الجاية إن شاء الله)بنفتح ملف إكسيل ونحفظه بامتداد xlsm بندخل على محرر الأكواد عن طريق Alt + F11 .. وبندرج موديول جديد Insert ثم Module
ثم من القائمة Tools نضغط على References ونضيف المكتبة الخاصة بالأداة Selenium بالشكل التالي
ودة كود اختبار الاداة اذا كانت تعمل جيدا ام لا
Sub
Opening_Web_Page()
Dim bot As New WebDriver
With bot
.Start "Chrome",
"https://www.google.com"
.Get "/"
.TakeScreenshot.SaveAs
(ThisWorkbook.Path + "\Google.jpg")
End With
Stop
End
Sub
وبكدة
نكون قد انهينا من الدرس الاول فى شرح هذة الاداة الممتعة والمفيدة